کۆردستان باس - ڕۆژی ١٣ی تشرینی دووەمی ٢٠٢٤ فەریق روکن عیسا عوزێر بەرپرسی ئەرکانی وەزارەتی پێشمەرگە، پێشوازی لە کۆڵۆنێڵ جون فۆستەر ڕاوێژکاری سەربازی باڵا لە کونسوڵخانەی بەریتانیا لەهەولێر و تیمێکی یاوەری کرد.
لەو دیدارەدا، کە لیوا روکن محمد سعید بەڕێوبەری هەماهەنگی و پەیوەندییەکانی وەزارەت ئامادەیبوو، باس لە برەودانی زیاتر بە هەماهەنگی لە نێوان هێزی پێشمەرگە و وڵاتانی هاوپەیمانی نێوودەوڵەتی لە نێویاندا بەریتانیا کرایەوە، هەروەها پرسی مەشق و ڕاهێنانەکان و پڕۆسەی ریفۆرم و کردنەوەی خولە جیاوازەکان بە تایبەت خولی پێشکەوتووی فەرماندەیی(SLDP)، بە مەبەستی ڕێکخستنەوەی زیاتری هێزەکان و بە پرۆفیشناڵکردنی هێزی پێشمەرگە خرانە بەرباس.
لەکۆتایی دیدارەکەدا، هەردوولا کۆکبوون لەسەر هەماهەنگی و گرنگیدانی زیاتر بە پەیوەندییەکانی نێوانیان و شاندی سەربازیی بەریتانیا دووپاتیانکردەوە؛ کە بەردەوام دەبن لەهەماهەنگی کردن بۆ کردنەوەی خول و پێدانی ڕاوێژ بە هێزی پێشمەرگەی کوردستان.
