ئەکرەم ساڵح,  هەڵبژاردن بێ غەل و غەش نابێت, پارتی لەگەڵ هەڵبژاردنێکی پاک و شەفافە

کۆردستان باس - ئەکرەم ساڵح، بەرپرسی لقی 22 ی گەرمیانی پارتی بۆ دەنگی ئەمەریکا:
پارتی لەگەڵ هەڵبژاردنێکی پاک و شەفافە بە جۆرێک قەبارەی لایەنەکان دەربکەوێت و خەڵک بڕیار لەبارەی قەبارەی لایەنەکانەوە بدات.
ئێمە پێشتر هەڵبژاردنمان ڕەتکردەوە چونکە زانیاریمان هەبوو لەسەر دیزاینکردنی هەڵبژاردنەکە، هەڵبژاردنی دیزاینکراو ڕووکەشەو گوزارشت لە ڕای خەڵک ناکات.
ئێمە پشتگیری هەڵبژاردنێکی شەفاف دەکەین لە ژێر چاودێری کۆمیسیۆن و نەتەوە یەکگرتووەکان بە جۆرێک گرفت و کێشە ڕوو نەدات.
گەر هەڵبژاردن بە پاکی بەڕێوەبچێت لایەنەکان ئەنجامەکەی قەبوڵ دەکەن.
پێشتر گومانمان هەبوو لە دەستوەردانی لایەنی دەرەکی لە پرۆسەی هەڵبژاردن، وەکچۆن لە هەڵبژاردنی 2018 دەستوەردان کراو گومانیش لەسەر هەڵبژاردنی پارێزگاکان هەبوو.
هەوڵەکانمان خستووەتەگەڕ تا هەڵبژاردن بە شەفافی بەڕێوەبچێت و ئەنجامەکان گوزارشت لە ڕای خەڵک بکات.
هەڵبژاردن بێ غەل و غەش نابێت، گەر ڕێوشوێنەکانی کۆمیسیۆن بە باشی بەڕێوەبچن و ژماردنی دەستی و ئەلیکترۆنی بۆ ئەنجامەکان بکرێت، دەرفەتی ساختەکاری کەم دەبێت.
دەبێت نەتەوە یەکگرتووەکان و ڕێکخراوەکان بە جوانی چاودێری پرۆسەکە بکەن، تا هەموو لایەنەکان قەبارەی خۆیان بزانن، نەک لایەنێک خاوەنی جەماوەر نەبێت و چاوەڕێی وڵاتان بکات کورسی بۆ زیاد بکات.