کۆردستان باس - بافڵ جەلال تاڵەبانی، بەرپرسی یەكێتی ڕایگەیاند، داوا لە كاك مەسرور دەكەم بێت وەكو وڵاتانی دیكەی دنیا دیبەت ئەنجامبدەین، هەروەها دەشڵێت، " یەكێتی هەر قسەیەكی كرد جێبەجێی دەكات، زابخودێ بمانەوێت وەهاب هەڵەبجەی دەكەینە محافزی بارزان".
بافڵ جەلال تاڵەبانی، ئەمڕۆ چوارشەممە لە میانی وتارێكدا بۆ ئەندامانی حزبەكەی ڕایگەیاند، ئێستا یەكێتی هیچ كێشەیەكی ناوخۆیی نیە و خاوەن یەكدەنگ و یەك بڕیارن و خەبات بۆ هەر چوار پارچەی كوردستان دەكەن، ئەوانەشی كە لە یەكێتی جیابونەوە دۆڕاندیان.
كۆتایی بە دەسەڵاتی خۆسەپێن دەهێنین و دەیڕوخێنین
ئاماژەی بەوەشكرد، "یەكێتی هەر قسەیەكی كرد جێبەجێی دەكات، زابخودێ بمانەوێت وەهاب هەڵەبجەی دەكەینە محافزی بارزان، كۆتایی بە دەسەڵاتی خۆسەپێن دەهێنین و دەیڕوخێنین".
بافڵ تاڵەبانی باسی لەوەشكرد، "داوا لە كاك مەسرور دەكەم ئەكەر پێیدەكرێت با وەكو ئەمریكا و بریتانیا دیبەیت ئەنجامبدەین لەكام كەناڵ و ڕۆژنامە كە پێی خۆشە، پێشنیاری ئەوەش دەكەم عەلی باپیرسەرۆكی كۆمەڵی دادگەری، سەڵاحەدین بەهائەدین، ئەمینداری یەكگرتوی ئیسلامی و كاك شامسمارەكە (شاسوار عەبدولواحید) سەرۆك نەوەی بەشداری دیبەیتەكە بكەن".
هۆكاری دواكەوتنی موچە ئەوەیە دەسەڵاتی خۆسەپێنە
ئەوەشی خستەڕو، هۆكاری دواكەوتنی موچە ئەوەیە دەسەڵاتی خۆسەپێنە دەیەوێت موچە لە بانكەكانی ئەوانەوە بدرێت، بۆیە با وەزیری ناوخۆ و شارەوانی موچەكەیان لە هەژماری من وەربگرن.