کۆردستان باس - هاوکات لەگەڵ کۆبوونەوەی هەردوو ئەنجومەنی ئابووریی عێراق و هەرێمی کوردستان، سەدان تانکەری نەوتی قاچاخ لە دەروازەی باشماخ ریزیان بەستووە.
بەگوێرەی ئەو دیمەنەی کە هاووەڵاتیان باسیان کردووە، فرۆشی نەوتی قاچاخی هەرێمی کوردستان بەردەوامە، سەدان تانکەر بەدرێژایی چەند کیلۆمەترێک لەسەر رێی باشماغ و لە نێوان گۆرەپانی مەرزەکە وەستاون.
بە گوێرەی زانیارییەکان، لەسەرەتای ئەمساڵەوە، زیاتر لە 74 هەزار تانکەری نەوت لە رێی باشماخەوە بەقاچاخ فرۆشراوە.
سەرچاوەیەک ڕاگەیاند، پارتی و یەکێتی ڕۆژانە زیاتر لە دوو هەزار تانکەر نەوت بە قاچاخ لە دەروازە سنوورییەکانەوە دەفرۆشن.