کۆردستان باس - ٢٠٢٥/٤/٢، عیراق رۆژی 2ی نیسانی بە رەسمی بەرۆژی کۆژراوە فەیلییەکان ناساند کە بەبڕیاری سەرۆک وەزیرانی عیراق بووە
هەروەک لە راگەیەندراوێکیشدا لەتیف رەشید سەرۆککۆماری عیراق رایدەگەیەنێت:" کوردە فەیلییەکان پێکهاتەی سەرەکی و رەسەنی عیراقن و پێویستە کار بۆ گەرەنتی مافە رەواکانی بکرێت و بەشداری لە پرۆسەی سیاسیدا بکەن".
لەلایەکی دیکەوە نوسینگەی سەرۆکوەزیرانی عیراق لە راگەیەندراوێکدا دەڵێت: "بە بڕیاری محەمەد شیاع سوودانی سەرۆکوەزیران 2ی نیسانی بە رەسمی بەرۆژی کۆژراوانی فەیلی دیاریکرا لەعیراق".
"پارچە زەوییەکیش تەرخانکراوە بۆ گۆرستانی کۆژراوانی فەیلی بۆ ئەوەی لەیادەوەریدا بەزیندوویی بمێننەوە" لەراگەیەندراوەکەی نوسینگەی سەرۆکوەزیرانی عیراق دا هاتووە.