کۆردستان باس - بەرواری ٢٠٢٥/٣/١٩، لیوا سیروان بارزانی بەرپرسی میحوەری ٦ (مەخمور ـــ گوێڕ)ی هێزەکانی پێشمەرگە، کۆڵۆنێڵ ریتەر فەرماندەی هێزەکانی ئەڵمانیا لە هەرێمی کوردستان و شاندی یاوەریان لیوای ١٤ی پیادەیان بەسەرکردەوە لەلایەن عمید روکن علمی مزوری فەرماندەی لیوا و ئەفسەرانی لیوا پێشوازییان لێکرا.
لە دیدارێکدا، کۆڵۆنێڵ ریتەر کۆتایی ئەرکەکەی خۆی راگەیاند و کۆڵۆنێڵ کوپێر ی وەک جێگرەوی خۆی لە پۆستی فەرماندەی هێزەکانی ئەڵمانیا لە هەرێمی کوردستان ناساند، لای خۆیەوە لیوا سیروان بارزانی سوپاسی کۆڵۆنێڵ ریتەری کرد لەپای ئەو خزمەتەی، کە لەماوەی ئەرکەکەیدا لە هەرێمی کوردستان پێشکەش بە هێزەکانی پێشمەرگەی کردووە، هەروەها بەخێرهاتنی کۆڵۆنێڵ کۆپێر ی کرد و هیوای خواست سەرکەوتو بێت لە ئەرکەکەیدا، دواتر شاندی میوان بەیاوەری بەرپرسی میحوەری ٦ و فەرماندەی لیوای ١٤ی پیادە، سەنگەرەکانی لیوای ١٤ی پیادەیان بەسەرکردەوە.
