کۆردستان باس - ٢٠٢٥/١/١٥ گرێبەستەی بەغداد لەگەڵ كۆمپانیای بریتیش پترۆلیۆم لە كەركوك كێڵگەكانی موسڵ و ناوچەی تریش دەگرێتەوە بۆیە پارتی دیموكراتی كوردستانی توڕە كردوو ،داواكەی حكومەتی هەرێم بۆ ئیدارەدانی هاوبەشی ئەو كێڵگانە نادەستوریە،پارتی دوو خول وەزیری دارایی عێراقی لە دەستدابووە بۆچی كێشەكانی هەولێرو بەغدادی چارەسەرنەكرد
ئاڵا تاڵەبانی، ئەندامی پێشوی پەرلەمانی عێراق دەڵێت: ئەو گرێبەستەی حكومەتی عێراق لەگەڵ كۆمپانیای "بریتیش پترۆلیۆم" كردویەتی لە كەركوك، كێڵگەكانی موسڵ و ناوچەی تریش دەگرێتەوە، ئەوەش ناڕەزایی پارتی دیموكراتی كوردستانی لێكەوتووەتەوە.
ئاڵا تاڵەبانی، لە چاوپێكەوتنێكی تەلەفیزیۆنیدا وتی: داواكارییەكانی حكومەتی هەرێمی كوردستان بە ئیدارەدانی كێڵگەكانی كەركوك و موسڵ نایاساییەو هەرێم مافی ئەوەی نیە داوای ئیدارەی هاوبەشی ئەو كێڵگانە بكات، جەختیشكرد، نەوت لە هەرێمی كوردستان بە تانكەر بە قاچاغ دەبرێت.
ئاڵا تاڵەبانی، لەبەشێكی تری قسەكانیدا ئاماژەی بەوەكرد: دوو خول پۆستی وەزیری دارایی حكومەتی فیدراڵی لای پارتی دیموكراتی كوردستان بوو بۆچی كێشەكانی نێوان بەغدادو هەولێری چارەسەرنەكرد، پرسیاری ئەوەشی كرد، ئاخۆ ئێمە وەكو كورد كاتێك داوای پۆستی وەزارەتێكی دیاریكراو دەكەین نابێت بەشێك لەو كێشانە نێوانمان چارەسەربكەین بۆ ئەوەی پەیوەندییەكان نەگەنە دۆخی ئێستا؟ هۆشیار زێباری و فوئاد حسێن هەردوو كیان وەزیری دارایی بوون و ئێستاش بریكاری وەزارەتی دارایی لای پارتی دیموكراتی كوردستانە، بریكاری وەزیری نەوت لە یەكێتی نیشتمانی كوردستانە، ئەو هەموو كێشەیەشمان هەیە لەسەر پرسی نەوت، باسی لەوەشكرد، بوونی كورد چی مانایەكی هەیە لەو پۆستانە ئەگەر نەتوانن راشكاوبن و ئەو پرسانە چارەسەربكەن.